SKRÁNING FRAMLENGD FYRIR ÍSKROSS
Fyrsta umferðin í ískrossinu 2013 fer fram um næstu helgi á Akureyri í tengslum við vetrarhátíðina Éljagang. Skráningarfresturinn hefur verið framlengdur til klukkan 21:00 á fimmtudagskvöld svo nú er um að gera að smella sér inn á www.msisport.is og skrá sig til leiks !
MSÍ ÍX 2012 - UMFERÐ 2 & 3 - MÝVATN
Um helgina fóru fram tvær umferðir í Íslandsmótinu í Ískrossi og voru þær báðar keyrðar á Mývatni. Í upphafi var stefnan að keyra aðra umferðina á laugardeginum og hina á sunnudeginum en vegna vonskuveðurs sem skall á seinnipart laugardagsins náðist ekki að klára fyrri umferðina og voru þau hít sem voru eftir keyrð í byrjun sunnudagsins. Sitthvor brautin var keyrð hvorn daginn og lögðu heimamenn mikla vinnu í brautargerð yfir helgina.
Myndir - Jón Ásgeir Þorláksson - Bjarni Hauksson
En að keppnunum þá var gríðarleg barátta í öllum flokkum og í mörgum flokkum réðst Íslandsmótið ekki fyrr en í loka hítunum.
Í kvennaflokki voru þær Signý og Andrea í mikilli baráttu um Íslandsmeistaratitilinn og fyriri síðasta hítið voru þær jafnar að stigum en þá hafði Signý betur og tryggði sér titilinn með hörku akstri.
Í unglingaflokki var barist hart og á endanum tryggði Bjarni Hauksson sér Íslandsmeistaratitilinn með aðeins 4 stiga forystu á Victor Ingva Jacobsen.
Í opna flokknum var gríðarleg barátta milli efstu manna en það var heimamaðurinn Jón Ásgeir Þorláksson sem hirti Íslandsmeistaratitilinn eftir frábærann akstur.
Í vetrardekkjaflokki voru efstu menn í hrikalegri baráttu og leit allt út fyrir að loksins gæti einhver strítt Kára Jónssyni sem hefur haft algera yfirburði í ískrossinu síðustu vetur en yfir helgina var Bjarki Sigurðsson að keyra hrikalega vel og vann sum hítin með yfirburðum, en stöðugleikann vantaði þar sem að hann krassaði í tveimur hítum og endaði mjög aftarlega. Mesta stöðugleikann sýndi Guðbjartur Magnússon sem endaði öll hít ársins í topp sætunum en það dugði honum þá aðeins í annað sætið í Íslandsmótinu þar sem Kári Jónsson tryggði sér Íslandsmeistaratitilinn með fanta akstri þegar allt lá undir.
Virkilega flottar keppnir og skemmtilegt keppnistímabil í Ískrossinu 2012 !
Smellið á "Lesa meira..." til að sjá nánari úrslit frá keppninni !
MSÍ ÍX 2012 - 2. OG 3. UMFERÐ
Eins og menn vita fór fyrsta umferðin í Íslandsmótinu í Ískrossi fram á Leirutjörn við Akureyri um þarsíðustu helgi, en það hefur ekki gengið þrautalaust að ná keppni á suð-vesturhornið vegna veðurs og aðstæðna. MSÍ leggur mikla áherslu á að Íslandsmótið verði klárað, en til þess þarf að keyra a.m.k. þrjár umferðir. Í ljósi þess mikla ferðakostnaðar sem við búum við í dag, þá hafa MSÍ og Akstursíþróttafélag Mývatnssveitar komist að samkomulagi um að 2. og 3. umferð Íslandsmótsins í Ískrossi fari fram á Mývatni helgina 17-18 mars n.k.
2. umferðin verður keyrð laugardaginn 17. mars á Stakhólstjörn og 3. umferðin verður svo keyrð sunnudaginn 18. mars, líklega í Álftabáruvogi. Þessa helgi fer fram hið margumtalaða Mývatnssmót, sem er ein allsherjar vetraríþróttaveisla. Dagskráin verður á þessa leið:
Föstudagurinn 16.03.12
14:00 Samhliðabrautakeppni á vélsleðum við Kröflu
16:00 Fjallaklifur (Hillcross) á vélsleðum við Kröflu
20:00 Snjóspyrna á vélsleðum við Skútustaði
Laugardagurinn 17.03.12
09:00 Ískross á vélhjólum við Skútustaði (2. umf. Íslandsmótsins)
14:00 Sno-Crosscountry á vélsleðum (2. umf. Íslandsmótsins)
Sunnudagurinn 18.03.12
10:00 Ískross á vélhjólum við Skútustaði (3. umf. Íslandsmótsins)
Verið velkomin í Mývatnssveitina.
F.h. stjórnar MSÍ og AM
Stefán Gunnarsson
MSÍ ÍX 2012 - 1. UMFERÐ - AKUREYRI
Á laugardaginn fór fram 1. umferðin í Íslandsmótinu í Ískrossi og var keppt á Leirutjörn á Akureyri. Það var frábær þátttaka í mótinu en alls voru 42 keppendur skráðir. Aðstæður voru mjög fínar, ísinn mjúkur og ágætis veður.
Myndir frá Motosport.is
Í Kvennaflokki var aðal baráttan á milli Andreu og Signýjar en Andrea hafði meiri hraða þennan daginn og sigraði öll hít dagsins örugglega. Í Unglingaflokknum var það Victor Ingvi sem sigraði öll hít dagsins en á eftir honum voru þeir Bjarni og Einar í baráttu. Í Opna flokknum var hrikalegur hraði og gríðarleg barátta, þeir Jón Kristján, Jón Ásgeir og Gulli unnu allir sitt hvort hítið en á endanum var það Jón Kristján sem stóð uppi sem sigurvegari. Í Vetrardekkjaflokknum var það Kári Jóns sem sigraði öll hít dagsins en á eftir honum var gríðarleg barátta á milli Guðbjarts og Bjarka.
Virkilega flott keppni og flott byrjun á tímabilinu !
Topp 3 úrslit úr öllum flokkum:
Kvennaflokkur:
1. Andrea Dögg Kjartansdóttir #52
2. Signý Stefánsdóttir #34
3. Bryndís Einarsdóttir #33
Unglingaflokkur:
1. Victor Ingvi Jacobsen #71
2. Bjarni Hauksson #629
3. Einar Sigurðsson #671
Opinn flokkur:
1. Jón Kristján Jacobsen #70
2. Jón Ásgeir Þorláksson #687
3. Gunnlaugur Karlsson #111
Vetradekkjaflokkur:
1. Kári Jónsson #46
2. Guðbjartur Magnússon #12
3. Bjarki Sigurðsson #670
Heildarúrslitin má sjá á vef MSÍ - www.msisport.is
Fleiri greinar...
- MSÍ ÍSKROSS - 1. UMFERÐ - REYKJAVÍK - FRESTAÐ
- MSÍ ÍX 2012 - 1. UMFERÐ - REYKJAVÍK - SKRÁNING HAFIN
- ÍSKROSS BIKARMÓT Á HAFRAVATNI 7. JAN
- ÍSKROSS HVALEYRARVATNI 04.12.11
- ÍSKROSS HVALEYRARVATNI 03.12.11
- DC SHOES: ROBBIE MADDISON'S AIR.CRAFT
- BRETT CUE - ROAD 2 XGAMES
- FYRSTA FRONTLFIP-IÐ Á SLEÐA Í NÓTT ?
- JIM MCNEIL TRIBUTE VIDEO
- TAKA TIME