Hér er eina sæmilega myndbandið sem ég hef fundið af Red Bull Fuel and Fury 2011 sem fór fram í Chicago um síðustu helgi ! Svíinn Daniel Bodin er seigur, spurning hvort einhver eigi roð í hann á X-Games í Janúar ? Moore bræðurnir voru reyndar ekki að keppa þarna og spurning hvaða vitleysu þeir mæta með... En hvað um það, sturluð keppni !

Um helgina fór fram Red Bull Fuel and Fury snjósleða freestyle keppnin í fyrsta skiptið frá árinu 2006. Það var enginn annar en Levi LaVallee sem kom þessu á kollinn og var kynnir keppninnar sem var haldin við Wrigley Field í Chicago fyrir framan rúmlega 5000 áhorfendur. Öll helstu nöfnin voru mætt til leiks, Daniel Bodin, Heath Frisby, Eric St. John, Cory Davis, Jeff Mullin, Fred Rasmussen, Jimmy Fejas og Ted Culbertson.

Keppendurnir drógu fram öll sín bestu "trick" en það var svíinn Daniel Bodin sem tryggði sigurinn með "Shaolin Backflip-i" og er það í fyrsta sinn sem þessu "trick-i" er lent í freestyle keppni á sleða. Bodin var gríðarlega ánægður eftir sigurinn og sagði þetta bara efla vilja sinn enn meira til að mæta sterkari til leiks í vetur. Í öðru sæti endaði Heath Frisby og í þriðja endaði gamla goðið Jimmy "Blaze" Fejes.

Enn eitt sjúklega flott sleðavideo frá Hybrid Color Films ! Þarna eru Cory Davis og félagar með freestyle sýningu á Alyeska skíðasvæðinu uppi í Alaska. Þessar vippur hjá drengnum eru náttúrulega ekki mennskar...

Þann 12. mars 2011 tók Dane Ferguson sig til og lenti 104 feta "backflip-i" á sleða og setti nýtt heimsmet ! Hér er flott video frá stökkinu og allskyns "freestyle" geggjun frá viðburðinum sem var í tengslum við "World Snowmobile Expo-ið" !

Dan Treadway er alveg með þetta hvort sem það er á skíðum eða sleða, þessi gæji á einu sjúkustu partana í bæði skíðamyndum ársins og sleðamyndunum. Nýjasta klippan sem datt á netið af kappanum er af þessu vígalega "drop-i" sem er eitthvað um 100 fet eða 30 metrar ! Svakalegt !!