 |
|
|
|
|
|
|
|
|
|
|
|
|
 |
04.08.2009 |
| X-Games 15 gengnir hjá... |
Þá eru enn einir X-Games leikarnir gengnir yfir og shit hvað það er alltaf gaman að fylgjast með þessu ! Þvílíkur viðburður ! Það er svo ótal margt sem er hægt að nefna sem var hrikalegt að ég ætla nú varla að þora að demba mér út í það... Það má t.d. nefna geggjað run hjá Bilko í freestyle ! James Stewart datt út eftir aðeins vippu keppnina ! Josh Hansen vann í annað sinn Moto X ! Ashley Fiolek vann kvenna Moto X ! Kyle Loza vann mjög tvíræddan sigur í Moto X Best Trick ! Klikkað Skate Park run hjá Rune Glifberg og næstum enn svalara í BMX park hjá Scotty Cranmer ! Geðveikt Rally þar sem Travis skeit uppá bak og svo má lengi telja !
En ég mæli með að þið tjékkið á þessu videoi frá ESPN sem sýnir að þeirra vali "Top 10 Moment's" frá leikunum ! Svo er alveg ógrynni af myndböndum sem eru enn að hrúgast inn á www.freecaster.tv sem er vel vert að kíkja á !
|
|
| Nánar / Tjá skoðun |
|
|
 |
04.08.2009 |
| Unglingalandsmót UMFÍ 2009 - Motocross |
Eins og flestir ættu nú að vita fór Unglingalandsmót UMFÍ árið 2009 fram á Sauðárkróki um helgina og var þetta að eigin reynslu alveg frábært mót ! Ég og Arna Benný skelltum okkur þangað á föstudaginn og fylgdumst með litla bróður hennar keppa í frjálsum íþróttum og fótbolta, við þurftum reyndar að fara aftur heim á laugardeginum til að vinna og náðum því ekki að fylgjast með motocrossinu þar sem Signý systir var að keppa ásamt öllum helsu upprennandi stjörnunum okkar í hjólasportinu ! Þetta var alveg frábært mót í alla staði og það eina sem setti strik í var þá helst frekar léleg skráning í stúlknaflokkana en aðeins voru 2 skráðar í 85cc flokkinn og 2 í 125cc flokkinn. Það var því brugðið á það ráð að keyra stelpurnar og strákana saman sem öllum fannst að ég tel mjög skemmtilegt.
En í 85cc flokki stráka var það Guðmundur Kort sem sigraði en hann er einnig efstur að stigum í Íslandsmótinu í þessum flokki. Í 85cc flokki stúlkna var það alveg nýtt nafn Hafey Viktoría Hallgrímsdóttir sem sigraði ! Í 125cc flokki stráka sigraði Eyþór Reynisson með yfirburðum en stúlknaflokki var það Signý systir sem sigraði og varð meira að segja 4 í strákaflokknum ! Glæsilegt það !
Hér eru heildarúrslitin úr öllu flokkum:
85cc flokkur drengja:
1. Guðmundur Kort
2. Hinrik Ingi Óskarsson
3. Guðbjartur Magnússon
4. Einar Sigurðsson
5. Haraldur Örn Haraldsson
6. Gylfi Þór Héðinsson
7. Kristján Daði Ingþórsson
8. Þorsteinn Helgi Sigurðsson
9. Benedikt Benediktsson
10. Finnur Ingi Jónsson
11. Hákon Ingi Þórisson
12. Eyþór Óskarsson
13. Þorgils Snorrason
14. Ingólfur Jónsson
85cc flokkur stúlkna:
1. Hafey Viktoría Hallgrímsdóttir
2. Ásdís Elva Kjartansdóttir
125cc flokkur drengja:
1. Eyþór Reynisson
2. Bjarki Sigurðsson
3. Hákon Andrason
4. Gylfi Andrésson
5. Pálmi Freyr Gunnarsson
6. Steingrímur Örn Kristjánsson
7. Jón Bjarni Einarsson
8. Friðgeir Óli Guðnason
9. Arnór Þorri Þrastarson
10. Daníel Freyr Árnason
11. Sævar Knútur Hannesson
12. Fannar Logi Kolbeinsson
13. Rúnar Ingi Pétursson
14. Brynjar Birgisson
15. Stefán Freyr Thordersen
16. Aron Berg Pálsson
17. Hafsteinn Alfreð Hallgrímsson
18. Benedikt Almar Bjarkason
19. Guðjón Þórólfsson
20. Benedikt Óskarsson
125cc flokkur stúlkna:
1. Signý Stefánsdóttir
2. Andrea Dögg Kjartansdóttir
|
|
| Nánar / Tjá skoðun |
|
|
|
|
|
 |
30.07.2009 |
| Jeppaferð í Hveragil |
Á mánudaginn ákváðum við Arna Benný að skella okkur í smá jeppatúr inn í Hveragil við Kverkfjöll. Við skelltum því öllu nauðsynlegu drasli út í Wranglerinn og smelltum okkur af stað um hádegið. Það var nú ekki spáð neinni blíðu en okkur var slétt sama um það !
Við brunuðum inn í Herðubreiðarlindir og það var nú frekar grátt og blautt á leiðinni en alltaf jafn gaman að ferðast um landið okkar. Það var t.d. hvítt niður í miðjar hlíðar á Herðubreið og ég veit ekki hvað og hvað. Við fórum svo yfir Jökulsá á Fjöllum og yfir í Krepputungu, inn í Hvannalindir og inn á slóðann inn í Hveragil. Vorum 3 og hálfann tíma á leiðarenda á efra bílaplaninu við Hveragilið. Strax ofan við Hvannalindir var farin að grána jörðin og þegar þarna uppeftir var komið var jörðin bara alhvít og snjókoma ! Í JÚLÍ ! Við ákváðum að tjalda bara strax svo við ættum það ekki eftir um kvöldið, grilluðum okkur pylsur og skelltum okkur svo í hlífðarföt til að ganga niður í gilið.
Fyrir þá sem ekki vita þá er Hveragil sérstakt fyrir þær sakir að áin sem rennur um það er heit og það heit að vel er hægt að baða sig í henni. Í henni myndast líka svakalega flottir hylir sem mynda fínustu potta og í ánni eru ótrúlega flottar kísílmyndanir, algert ævintýraland !
En við lögðum semsagt í hann í göngutúr og einhvernveginn var ég með þá vitleysu í höfðinu að aðal staðurinn í ánni væri mjög ofarlega í gilinu og við lögðum í svakalega fjallgöngu um snarbrattar skriður og vitleysu og kom svo í ljós að staðurinn var í raun bara miklu neðar í gilinu. Við löbbuðum því bara aftur til baka niður gilið og Arna Benný las auðvitað á milli línanna í vitleysunni minni og fann rétta staðinn ! Við skelltum okkur svo niður rosalega flott þvergil sem byrjaði bara rétt við bílaplanið sem Wrangler var á og þaðan gátum við gengið upp að fossinum fræga í ánni þar sem flottustu baðstaðirnir eru. Þannig eftir 7 tíma göngutúr sem hefði ekki þurft að vera meira en 30 mínútur skelltum við okkur á baðfötin og smelltum okkur út í ánna. Ahhh... það var notalegt og við busluðum í fleiri fleiri klukkutíma þarna í ánni, klöngruðumst alveg upp að fossi og skoðuðum alla hyli á leiðinni. Fundum svo alveg fyrirtaks rennibraut í einum fossinum sem við skemmtum okkur konunglega í ! Loks ákváðum við að harka okkur í fötin aftur og löbbuðum upp í bíl. Fengum okkur svo að borða áður en við skriðum upp í rúmið og við rétt náðum að renna svefnpokunum saman áður en við steinsofnuðum !
Við vöknuðum svo ekki fyrr en að verða 1 og höfðum þá sofið alveg fáránlega vært í fína tjaldinu. Eftir smá morgunsnarl gengum við frá öllu saman og nú hafði greinilega hlýnað aðeins svo það var ekki hvít jörð lengur hjá okkur, en frekar blautt og grátt ennþá. Við renndum svo af stað til baka rétt um 3 og héldum niður í Hvannalindir. Við ákváðum svo að fara í þetta skiptið niður í Möðrudal á þá leiðina heim. Við jeppuðumst því eftir þessu ótrúlega landslagi þarna og yfir Kreppu og brunuðum niður í Möðrudal þar sem við stoppuðum á klárlega flottustu bensínstöð á landinu til að pumpa í dekkin ! Síðan brunuðum við bara eftir þjóðveginum heim í Mývatnssveitina sátt með góðan túr !
Ég smellti góðu safni af myndum í myndaalbúm hér á síðuna, endilega kíkið á það á myndasíðunni !
Jonni
|
|
| Nánar / Tjá skoðun |
|
|
 |
30.07.2009 |
| Jeppaferð í Hveragil 27-28.07.09 |
Á mánudaginn ákváðum við Arna Benný að skella okkur í smá jeppatúr inn í Hveragil við Kverkfjöll. Við skelltum því öllu nauðsynlegu drasli út í Wranglerinn og smelltum okkur af stað um hádegið. Það var nú ekki spáð neinni blíðu en okkur var slétt sama um það !
Við brunuðum inn í Herðubreiðarlindir og það var nú frekar grátt og blautt á leiðinni en alltaf jafn gaman að ferðast um landið okkar. Það var t.d. hvítt niður í miðjar hlíðar á Herðubreið og ég veit ekki hvað og hvað. Við fórum svo yfir Jökulsá á Fjöllum og yfir í Krepputungu, inn í Hvannalindir og inn á slóðann inn í Hveragil. Vorum 3 og hálfann tíma á leiðarenda á efra bílaplaninu við Hveragilið. Strax ofan við Hvannalindir var farin að grána jörðin og þegar þarna uppeftir var komið var jörðin bara alhvít og snjókoma ! Í JÚLÍ ! Við ákváðum að tjalda bara strax svo við ættum það ekki eftir um kvöldið, grilluðum okkur pylsur og skelltum okkur svo í hlífðarföt til að ganga niður í gilið.
Fyrir þá sem ekki vita þá er Hveragil sérstakt fyrir þær sakir að áin sem rennur um það er heit og það heit að vel er hægt að baða sig í henni. Í henni myndast líka svakalega flottir hylir sem mynda fínustu potta og í ánni eru ótrúlega flottar kísílmyndanir, algert ævintýraland !
En við lögðum semsagt í hann í göngutúr og einhvernveginn var ég með þá vitleysu í höfðinu að aðal staðurinn í ánni væri mjög ofarlega í gilinu og við lögðum í svakalega fjallgöngu um snarbrattar skriður og vitleysu og kom svo í ljós að staðurinn var í raun bara miklu neðar í gilinu. Við löbbuðum því bara aftur til baka niður gilið og Arna Benný las auðvitað á milli línanna í vitleysunni minni og fann rétta staðinn ! Við skelltum okkur svo niður rosalega flott þvergil sem byrjaði bara rétt við bílaplanið sem Wrangler var á og þaðan gátum við gengið upp að fossinum fræga í ánni þar sem flottustu baðstaðirnir eru. Þannig eftir 7 tíma göngutúr sem hefði ekki þurft að vera meira en 30 mínútur skelltum við okkur á baðfötin og smelltum okkur út í ánna. Ahhh... það var notalegt og við busluðum í fleiri fleiri klukkutíma þarna í ánni, klöngruðumst alveg upp að fossi og skoðuðum alla hyli á leiðinni. Fundum svo alveg fyrirtaks rennibraut í einum fossinum sem við skemmtum okkur konunglega í ! Loks ákváðum við að harka okkur í fötin aftur og löbbuðum upp í bíl. Fengum okkur svo að borða áður en við skriðum upp í rúmið og við rétt náðum að renna svefnpokunum saman áður en við steinsofnuðum !
Við vöknuðum svo ekki fyrr en að verða 1 og höfðum þá sofið alveg fáránlega vært í fína tjaldinu. Eftir smá morgunsnarl gengum við frá öllu saman og nú hafði greinilega hlýnað aðeins svo það var ekki hvít jörð lengur hjá okkur, en frekar blautt og grátt ennþá. Við renndum svo af stað til baka rétt um 3 og héldum niður í Hvannalindir. Við ákváðum svo að fara í þetta skiptið niður í Möðrudal á þá leiðina heim. Við jeppuðumst því eftir þessu ótrúlega landslagi þarna og yfir Kreppu og brunuðum niður í Möðrudal þar sem við stoppuðum á klárlega flottustu bensínstöð á landinu til að pumpa í dekkin ! Síðan brunuðum við bara eftir þjóðveginum heim í Mývatnssveitina sátt með góðan túr !
Ég smellti góðu safni af myndum í myndaalbúm hér á síðuna, endilega kíkið á það á myndasíðunni !
Jonni
|
|
| Nánar / Tjá skoðun |
|
|
 |
29.07.2009 |
| Stefán Gunnarsson landsliðseinvaldur ! |
Stjórn MSÍ hefur falið Stefáni Gunnarssyni stjónarmanni MSÍ að leiða landslið Íslands í Moto-Cross til keppni á MX of Nations sem að þessu fer fram í byrjun október á Ítalíu.
Stefán Gunnarsson landsliðseinvaldur mun skipa lið Íslands eftir 4. umferð Íslandsmótsins í Moto-Cross sem fram fer í Sólbrekku 8. ágúst.
Stjórn MSÍ mun leggja liðinu til fararstyrk en gera má ráð fyrir að landsliðið haldi til Ítalíu í lok september og verði við æfingar ytra vikuna fyrir keppnina sem fram fer á Ítalíu dagana 3. og 4. október. |
|
| Nánar / Tjá skoðun |
|
|
|
